અમે અમદાવાદી…| અસ્મિતાની કવિતા | Ahmedabad Pride Poetry | Amdavadi Swag | Tushar Shukla

અમે અમદાવાદી…| અસ્મિતાની કવિતા | Ahmedabad Pride Poetry | Amdavadi Swag | Tushar Shukla આ ફક્ત શબ્દો નથી....આ છે એક ઓળખ… એક અંદાજ… એક જીવવાની રીત. અમદાવાદ… જ્યાં ટ્રાફિકમાં પણ રસ્તો મળી જાય, ધક્કામુક્કીમાં પણ લાગણી મળી જાય, અને ભીડમાં પણ પોતાનુંપણું મળી જાય… આ કવિતા અમદાવાદના દરેક વ્યક્તિની વાત કરે છે. તેની મસ્તી, તેની જિદ્દ, તેની સાદગી અને તેની શાન. અમે અમદાવાદી..અમે અમદાવાદી અડધી બાદશાહીમાં રાજી સૂર સદા સંવાદી અમે અમદાવાદી અમે અમદાવાદી વાહન હાંકીએ મન મરજીથી ઓઢણે ઢાંકી મુખ ટ્રાફિક જામમાં રસ્તો કાઢીએ દુ:ખમાં શોધીએ સુખ ફ્રોક, સ્કર્ટ, કે સાડી પ્હેરીએ દીકરી, મમ્મી, દાદી જીન્સ કે ઝબ્બો, સૂટ બૂટ ને ગમે તો પ્હેરીએ ખાદી અમે અમદાવાદી.. અમે અમદાવાદી ધૂળ ઉડતી જોઇને કોઇને લાગે ગર્દાબાદ ભદ્રકાળીમાના આશીષથી સદૈવ છે આબાદ ધક્કામુક્કીમાં માણે એ સથવારાની હૂંફ રુપિયાનો રણકાર અમારા પ્રાણમાં મારે ફૂંક ભીડનો ભાગ બનીને જીવવું જીવન સમજણ સાદી અમે અમદાવાદી .. અમે અમદાવાદી . અડધી બાદશાહીમાં રાજી પારકે ઝગડે કાજી ઓટલે બેસી ચોકી કરતાં છીકણી ઘસતાં માજી હકને કાજે પોળને નાકે લડતો સામી છાતી લાઠી ગોળીથી ના ડરતો ગરવો એ ગુજરાતી અમદાવાદીનું હૈયું છે ગાંધીજીની ગાદી અમે અમદાવાદી..અમે અમદાવાદી ઋષિ દધીચિના અસ્થિનું વજ્ર કરે રખવાળી ચાર ચાર એહમદના આશીષ બારેમાસ દિવાળી અમે અમદાવાદી..અમે અમદાવાદી જો તમે પણ દિલથી અમદાવાદી છો- તો LIKE 👍 કરો, SHARE 📲 કરો અને COMMENT માં લખો “અમે અમદાવાદી ❤️” #Amdavadi #tusharshukla #jitubandhaniya #Ahmedabad #Amdavad #GujaratiPoetry #AhmedabadPride #AmdavadiSwag #GujaratiCulture #GarviGujarat #AhmedabadCity #GujaratiContent