આજ એ યાદ બની વરસાદ | Emotional Poem | Kavi Tushar Shukla

આજ એ યાદ બની વરસાદ | Emotional Poem | Kavi Tushar Shukla જાતની સાથે જીવતા અમને તમે રહ્યા ન યાદ આજ નથી તમે પાસમાં , ત્યારે યાદ બની વરસાદ . મોટા થવાની હતી ઉતાવળ, સપનાંએ મન મોહ્યું તમે સાથમાં વૃધ્ધ થતા'તા, અમે ન ધ્યાનથી જોયું . મળી શકે ના ફરીથી જીવવા વીતી પળ એકાદ ? આજ એ યાદ બની વરસાદ એવું નો'તું તમે કદીયે કાન નહોતો પકડ્યો ! "તમે સમજતા નથી મને " કહી કેટલી વાર હું ઝગડ્યો ! આંગળીને હવે યાદ આવ્યો એ હથેળીનો સંવાદ આજ એ યાદ બની વરસાદ તમે ઉકેલી ગૂંચ બધી જે ગૂંચવી અમે ઉતરાણે , ગાંઠ પડ્યા વિણ સંતાનો સૌ પતંગ ઉડાડી માણે પતંગ હો કે જીવન દીધી સમજણની સોગાદ આજ એ યાદ બની વરસાદ રખે ભરાયે , ઘરમાં ઉતરે વર્ષારુતુનાં પાણી કોને મારગ દેવો - રોકવો સમય રહે લ્યો જાણી . પાણી પહેલાં પાળ બાંધો તો રહે નહીં ફરિયાદ . આજ એ યાદ બની વરસાદ વૃધ્ધ નહીં સમૃધ્ધ હતા તમે વાત હવે સમજાણી . યાદ આવતો હાથ એ માથે આંખ આજ ભીંજાણી હાથ મુકી સંતાનો માથે કરીએ તમને યાદ . - તુષાર શુક્લ #kavitusharshukla #gujaratipoem #gujaratikavita #rainpoem #fatherpoem #emotionalpoem #gujaratipoetry #gujaratisahitya