હીંચકે એકલા એકલા પપ્પા વગર આંસુએ રડે. | Father Love |Tushar Shukla
હીંચકે એકલા એકલા પપ્પા વગર આંસુએ રડે. | Father Love |Tushar Shukla કેમ સમજતા નથી તમે કેમ પૂછો છો વારે વારે બધું જાણીને શું કરવું છે ? અંગત કૈં ના હોય અમારે ? કેટલીવાર કહ્યું પપ્પા, તમને એમાં સમજ ના પડે હીંચકે એકલા એકલા પપ્પા વગર આંસુએ રડે. ઉંમર થઇ છે તોય હજીયે પંચાતો કાં સૂઝે ? બે બે કપ તમે ચા ઠપકારો તોય તરસ ના બૂઝે ? કેટલીવાર કહ્યું છે તમને આટલી ચા તો નડે હીંચકે એકલા એકલા પપ્પા વગર આંસુએ રડે. સવાર પડતાં છાપું રોકી બેસી રહો છો રોજ ફેર પડે શું તમને , છાપું બપોરે વાંચો તો? કેટલી વાર કહ્યું છે હાથ ન લૂછો છાપા વડે ! હીંચકે એકલા એકલા પપ્પા વગર આંસુએ રડે. યાદ રાખીને દવા ન લ્યો પછી માંદા પડશો ત્યારે ? કામકાજ પડતું મુકીને દોડવું પડે અમારે ! કેટલી વાર કહ્યું છે તમને કોઇ ફેરના પડે હીંચકે એકલા એકલા પપ્પા વગર આંસુએ રડે. મંદિર કેરે બાંકડે શોભો શોભો નહીં બગીચે માળા ફેરવો મૂર્તિ સામે પત્તા તે કોઇ ટીચે ? કેટલીવાર કહ્યું છે તમને તોય કશું ના અડે ? હીંચકે એકલા એકલા પપ્પા વગર આંસુએ રડે. આજે રસોઇમાં બનાવ્યું છે શું એ જાણી શું કરશો આજે રસોઇમાં બનાવ્યું છે શું એ જાણી શું કરશો ચાવી પચાવી શકો નહીં તમે પેટ ઝાલીને ફરશો કેટલી વાર કહ્યું છે તમને છોકરાં છો કે લડે ? હીંચકે એકલા એકલા પપ્પા વગર આંસુએ રડે. હીંચકો ને પપ્પા બંનેની હાલત એક જ જેવી હીંચકો ને પપ્પા બંનેની હાલત એક જ જેવી સતત ચાલતા તોયે ગતિ ના જીંદગી આ તે કેવી ! તોયે કોઇને કહ્યું નહીં કદી કડવા શબ્દો વડે હીંચકે એકલા એકલા પપ્પા વગર આંસુએ રડે. #tusharshukla #FatherLove #FatherPoem #GujaratiPoem #EmotionalPoem #LifePoetry #ParentLove #FamilyBond #HeartTouchingPoem #GujaratiLiterature #FatherAndChild #LonelyHeart #TearfulWords #PoetryLovers
