મળ્યો મોંઘો અવતાર દીકરીનો | Gujarati Kavita | Kavi Tushar Shukla
મળ્યો મોંઘો અવતાર દીકરીનો | Gujarati Kavita | Kavi Tushar Shukla જનમોજનમ હું તો માંગુ અવતાર રુડો માંગું અવતાર દીકરીનો એક જ અવતાર મહી કેટલા અવતાર જીવું લ્હાવો મળ્યો છે જીંદગીનો હું તો માંગું અવતાર દીકરીનો આંગણને ઓરડાની વચમાં ઊભો છે મારા બાપૂના ઘરમાં એક ઉંબરો મારી સાથે મોટો થતો, ધીમે ધીમે વધ્યે જતો એક દા’ડો બની જતો ડુંગરો માથે ઓઢી પાનેતર, મેલી મીઠા માવતર ભૂલી દઇ મહિયરની માયા પોતાનાંને છોડ્યાં અને પારકાં પોતાના કર્યાં અણજાણ્યા ઓરડે સમાયાં શમી ગયો રે ઝણકાર ઝાંઝરીનો મંળ્યો મોંઘો અવતાર દીકરીનો. દીકરાએ દીવો રહે, એવું છો ને સહુ કહે દીકરીએ રેલે અજવાળું એક નહીં બેઉ ઘરે, દીકરીઓ દીવો કરે હુંય બેઉ ઘરને ઉજાળું ત્યાગીને ભોગવે એ, ભોગવીને ત્યાગે , જાણે દેહ ધરી જન્મ્યા ગીતાજી. દીકરાથી અદકી હું , શાને થાઉં દીકરો હું દીકરી થઇને રાજી રાજી હું તો પાડ રે માનું શ્રીહરિનો મળ્યો મોંઘો અવતાર દીકરીનો . - તુષાર શુક્લ #daughterpoem #daughteravatar #gujaratipoetry #gujaratikavita #womenempowerment #daughterpride #indiandaughter #girlchild #socialpoetry #emotionalpoem #fatherdaughterbond #indianculture #gujaratiliterature
