હું શું શું પાછું વાળું ? | બ્રેકઅપ | Prem Geet | Kavi Tushar Suhkla

હું શું શું પાછું વાળું ? | બ્રેકઅપ | Prem Geet | Kavi Tushar Suhkla પ્રેમગીત ( બ્રેકઅપ ) હું શું શું પાછું વાળું ? વસ્તુ વીણી વીણીને આપું આંસુ મારાં ખાળું. ડાયરીનાં આ પાના વચ્ચેસૂકાયેલું આ ફૂલ આજ લગી મેં સાચવી રાખ્યું એટલી મારી ભૂલ ફૂલ વિનાનાં બાગ મહીં હું પતંગિયાને પાળું . વસ્તુ વીણી વીણીને આપું ,આંસુ મારાં ખાળું. હું શું શું પાછું વાળું ? લે, આ તારો રુમાલ મારો ગમતો રંગ ગુલાબી આજ લગી મેં સાચવી રાખ્યો ઓશીકામાં દાબી સંધ્યા કેરો સમય હવે હું માત્ર સ્મૃતિમાં ગાળું - વસ્તુ વીણી વીણીને આપું ,આંસુ મારાં ખાળું. હું શું શું પાછું વાળું ? ચીજ હોય તો આપો લ્યો, પણ ચીજ નથી કૈં ચાહત હેતસ્મરણનો ભાર અજબ છે ના ઊતરે તો રાહત ! પત્રો કેવળ કાગળ ક્યાં છે? કાગળ હોય તો બાળું વસ્તુ વીણી વીણીને આપું ,આંસુ મારાં ખાળું. હું શું શું પાછું વાળું ? ⁃ તુષાર શુક્લ #tusharshukla #poetry #breakup #kavitusharshukla