પ્રેમમાં હો તો કેવું લાગે ? | Prem ma ho to kevu lage | PremGeet | Kavi Tushar Shukla

પ્રેમમાં હો તો કેવું લાગે ? | Prem ma ho to kevu lage | PremGeet | Kavi Tushar Shukla પ્રેમગીત પ્રેમમાં હો તો કેવું લાગે ? સોળ વરસના જેવું લાગે લેકિન કિન્તુ પરન્તુ સમજો સોળના હો તો જુદું લાગે પ્રેમમાં હો તો કેવું લાગે ? સોળ વરસની ઉંમર હોય તો બ્હેક બ્હેક આ હોવું બ્હેકે સોળ વરસની ઉંમર હોય તો મ્હેક મ્હેક આ હૈયું મ્હેકે સોળના હોવું , સોળના લાગવું બંને જૂદી વાત છે , પ્યારે સોળ વરસનાં હોય જે એ તો સૂતાં પણ સપનામાં જાગે સોળના હો તો જુદું લાગે સાવ અમસ્તી વાત હોય ને વાતોમાં કલાકો વીતે સાવ અમસ્તું હસી પડાય ને રડી પડાય છે જેમાં પ્રીતે સોળના હોવું , સોળના લાગવું બંને જૂદી વાત છે , પ્યારે સોળ વરસના હો એને સંભળાય કે જે હૈયામાં વાગે સોળના હો તો જુદું લાગે. ⁃ તુષાર શુક્લ #valentinesday #gujaratipoetry #love #premgeet #tusharshukla